Riasath Ali Asrar

kis tarah yaad kar rakhi hai ye baat
bhuul ja.enge ek din 'asrar'

ek dhaDka sa laga rahta hai khush hone par
ye bahar ab ke na tamhid-e-khizan ho jaa.e

bazar-e-lafz men liye kaasa khayal ka
phirte hain ham sakhavat-e-ma’ni ke shauq men

jala charagh-e-'adam to 'ajab ujala hua
rah-e-vujud ki manzil dikha.i dene lagi

kya us se bichhaDte ki mile hi na the jis se
ik-tarfa mohabbat ke bhi hain zaviye kya kya

'aql kuchh kaam ki na thi 'asrar'
'ishq ne is ko Thiik Thaak kiya

chaandni surkh si dikhaai de
ye moharram kaa chaand hai 'asraar'

ham na aae junun ke bas mein kabhi
ye garebaan khirad ne chaak kiyaa

be-karaan dasht-e-tasavvur mein bhaTakne ke nuqush
mauj-dar-mauj saraabon se ubharte honge

aap ham se judaa nahin hote
aap par ikhtiyaar hai koi

kyaa us se bichhaDte ki mile hi na the jis se
ik-tarfa mohabbat ke bhi hain zaaviye kyaa kyaa

mahv hain hazrat-e-khayaal apne
haal-e-dil mein muraaqiba baandhe