khinche hai mujhe dast-e-junun dasht-e-talab mein — Sajjad Baqar Rizvi

pahle chaadar ki havas mein paanv phailaae bahut
ab ye dukh hai paanv kyuun chaadar se baahar aa gayaa

shahr ke aabaad sannaaTon ki vahshat dekh kar
dil ko jaane kyaa huaa main shaam se ghar aa gayaa

hamaare dam se hai raushan dayaar-e-fikr-o-sukhan
hamaare baad ye galiyaan dhuaan dhuaan hongi

man dhan sab qurbaan kiyaa ab sar kaa saudaa baaqi hai
ham to bike the aune-paune pyaar ki qimat kam na hui

miraa ghazaal ki vahshat thi jis ko saae se
lipaT gayaa mire siine se aadmi ki tarah

tere shaidaa bhi hue ishq-e-tamaashaa bhi hue
tere divaane tire shahr mein rusvaa bhi hue