ajī pheñko raqīb kā naama — Shayari Of Sakhi Lakhnvi

na āshiq haiñ zamāne meñ na ma.ashūq
idhar ham rah ga.e haiñ aur udhar aap

tiis din yaar ab na aa.egā
is mahīne kā naam ḳhālī hai

ham un se aaj kā shikva kareñge
ukhāḌeñge vo barsoñ kī gaḌī baat

kī ḳhitābat ko gar ḳhudā samjhā
banda bhī āḳhir aadmī hī to hai

jīteñge na ham se bāzi-e-ishq
aġhyār ke piT paḌeñge pāñse

dekho qal.ī khulegī saaf us kī
ā.īna un ke muñh chaḌhā hai aaj