baDi hi andheri Dagar hai miyaan — Saleem Shirazi

ham sufiyon kaa donon taraf se ziyaan huaa
irfaan-e-zaat bhi na huaa raat bhi gai

— Shuja Khaavar

baazi-gaah-e-daar-o-rasan mein mai-kada-e-fikr-o-fan mein
ham rindon se raunaq hai ham durveshon se mele hain

— Afzal Parvez

na dastakein na sadaa kaun dar pe aayaa hai
faqir-e-shahr hai yaa shahryaar dekhiyegaa

— Ahmad Shahryar

gumaan kis par karein suufi idhar hai us taraf vaaiz
khudaa rakkhe mohalle mein sabhi allaah vaale hain

— Unknown

jis din se apnaa tarz-e-faqiraana chhuT gayaa
shaahi to mil gai dil-e-shaahaana chhuT gayaa

— Mustafa Zaidi

chaand mein darvesh hai jugnu mein jogi
kaun hai vo aur kis ko khojtaa hai

— Ahmad Shanas