chaand mein darvesh hai jugnu mein jogi — Ahmad Shanas

bahut chhoTaa safar thaa zindagi kaa
main apne ghar ke andar tak na pahunchaa

baahar insaanon se nafrat hai lekin
ghar mein Dheron bachche paidaa karte hain

kaun qatre mein uThaataa hai talaatum
aur antar-aatmaa tak sinchtaa hai

saat qulzum hain mire siine mein
ek qatre se ubhaaraa thaa mujhe

ek bachcha zehn se paisa kamaane ki machine
dusraa kamzor thaa so yarghamaali ho gayaa

main us ki pahchaan huun yaa vo meri
kyaa samjhun aur vo samjhaae kyaa kyaa

haqaarat ki nigaahon se na farsh-e-khaak ko dekho
amiron kaa faqiron kaa yahi aakhir ko bistar hai

ye inqilaab-e-zamaana nahin to phir kyaa hai
amir-e-shahr jo kal thaa vo hai faqiron mein

safar ho shaah kaa yaa qaafila faqiron kaa
shajar mizaaj samajhte hain raahgiron kaa

khuub jaantaa hai ye ik faqir haathon mein
kab hai be-kasi rakhnaa kab hai mo'jiza rakhnaa

dosti kaa daavaa kyaa aashiqi se kyaa matlab
main tire faqiron mein main tire ghulaamon mein

ham sufiyon kaa donon taraf se ziyaan huaa
irfaan-e-zaat bhi na huaa raat bhi gai