jiye ham raushni ban kar hamesha — Salman Saeed

kisi bhi darja ri'aayat nahin hai vahshat mein
bichhaD ke us se tumhein qahqahe lagaane the

— Salman Saeed

manaayaa jaa rahaa hai gham tumhaaraa
puraani film dekhi jaa rahi hai

— Salman Saeed

hamaare khel ki guDiyaa tumhi ho
tumhaare khel kaa guDDaa nayaa hai

— Salman Saeed

khuun se mazlum ke ho to gae raushan charaagh
raushni aisi hui phir shahr andhaa ho gayaa

— Salman Saeed

faqat ye lakDi nahin hai tumhaari baisaakhi
shajar ke haath kaTe hain ise banaane mein

— Salman Saeed

'ajib Dhang se mujh ko mili hai aazaadi
parinda pinjre mein pinjra havaa mein rakkhaa gayaa

— Salman Saeed