Salman Saeed

tire kuche ki miTTi ba-vafa hai
mire pairon se lipTi ja rahi hai

'ajib Dhang se mujh ko mili hai azadi
parinda pinjre men pinjra hava men rakkha gaya

pahle filmen bhi haqiqat ki tarah hoti thiin
ab haqiqat men bhi filmon ki tarah hota hai

faqat ye lakDi nahin hai tumhari baisakhi
shajar ke haath kaTe hain ise banane men

aap ke haath men hai mujh se ta'alluq ka remote
aap chahen to ye channel bhi badal sakte hain

ham hain zanjiron ki khan-khan ke bigaDe hue log
teri pazeb ki chhan-chhan men nahin aa sakte

kisi bhi darja ri'aayat nahin hai vahshat mein
bichhaD ke us se tumhein qahqahe lagaane the

manaayaa jaa rahaa hai gham tumhaaraa
puraani film dekhi jaa rahi hai

hamaare khel ki guDiyaa tumhi ho
tumhaare khel kaa guDDaa nayaa hai

khuun se mazlum ke ho to gae raushan charaagh
raushni aisi hui phir shahr andhaa ho gayaa

faqat ye lakDi nahin hai tumhaari baisaakhi
shajar ke haath kaTe hain ise banaane mein

'ajib Dhang se mujh ko mili hai aazaadi
parinda pinjre mein pinjra havaa mein rakkhaa gayaa