khud hi parvaane jal gae varna — Sanam Partapgarhi

ho sake to javaab de denaa
ye mohabbat kaa aakhiri khat hai

— Sanam Partapgarhi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

ghulaami mein na kaam aati hain shamshirein na tadbirein
jo ho zauq-e-yaqin paidaa to kaT jaati hain zanjirein

— Allama Iqbal

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

maarka garm to ho lene do khun-rezi kaa
pahle shamshir ke niche hamin jaa baiTheinge

— Mir Taqi Mir

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

vaqt hai ab namaaz-e-maghrib kaa
chaand rukh lab shafaq hai gesu shaam

— Siraj Aurangabadi