vo moD jis ne hamein ajnabi banaa Daalaa — Sardar Anjum

chalo baanT lete hain apni sazaaein
na tum yaad aao na ham yaad aaein

— Sardar Anjum

zindagi ik imtihaan hai imtihaan kaa Dar nahin
ham andheron se guzar kar raushni kahlaaeinge

— Sardar Anjum

gham-e-hayaat kaa jhagDaa miTaa rahaa hai koi
chale bhi aao ki duniyaa se jaa rahaa hai koi

— Sardar Anjum

ghamon ne gher liyaa hai mujhe to kyaa gham hai
main muskuraa ke jiyungaa tiri khushi ke liye

— Sardar Anjum

kabhi kabhi tu mujhe yaad kar to leti hai
sukun itnaa saa kaafi hai zindagi ke liye

— Sardar Anjum

sabhi ne lagaayaa hai chehre pe chehra
kise yaad rakkhein kise bhuul jaaein

— Sardar Anjum

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia