gham-e-hayaat kaa jhagDaa miTaa rahaa hai koi — Sardar Anjum

chalo baanT lete hain apni sazaaein
na tum yaad aao na ham yaad aaein

— Sardar Anjum

zindagi ik imtihaan hai imtihaan kaa Dar nahin
ham andheron se guzar kar raushni kahlaaeinge

— Sardar Anjum

ghamon ne gher liyaa hai mujhe to kyaa gham hai
main muskuraa ke jiyungaa tiri khushi ke liye

— Sardar Anjum

kabhi kabhi tu mujhe yaad kar to leti hai
sukun itnaa saa kaafi hai zindagi ke liye

— Sardar Anjum

sabhi ne lagaayaa hai chehre pe chehra
kise yaad rakkhein kise bhuul jaaein

— Sardar Anjum

vo moD jis ne hamein ajnabi banaa Daalaa
us ek moD pe dil ab bhi gungunaataa hai

— Sardar Anjum

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

intihaa ke qarib hai duniyaa
aadmi aakhiri sadi kaa huun

— Zubair Khayali