zinda rahne kaa haq milegaa use — Sarfaraz Abad

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

de hausle ki daad ki ham tere gham mein aaj
baiThe hain mahfilon ko sajaae tire baghair

— Adeel Zaidi

anaa ki qaid se nikle muqaabla to kare
vo meraa saath nibhaane kaa hausla to kare

— Najmus Saqib

har samt gard-e-naaqa-e-lailaa buland hai
pahunche jo hausla ho kisi shahsavaar kaa

— Altaf Hussain Hali

chaahte to the mire aghyaar tu paidaa na ho
phir bhi ye himmat hai teri tu agar paidaa huaa

— Shaukat Jamal

ahl-e-himmat ko balaaon pe hansi aati hai
nang-e-hasti hai musibat mein pareshaan honaa

— Sikandar Ali Wajd