jab chali apnon ki gardan par chali — Shaad Aarfi

jahaan-e-dard mein insaaniyat ke naate se
koi bayaan kare meri daastaan hogi

— Shaad Aarfi

shaikh par haath uThaane ke nahin ham qaael
haath uThaane ki jo Thaani hai to baatil se uThaa

— Shaad Aarfi

ab unhein tashrif laanaa chaahiye
raat mein likhti hai raani raat ki

— Shaad Aarfi

kahin fitrat badal sakti hai naamon ke badalne se
janaab-e-shaikh ko main barhaman kah duun to kyaa hogaa

— Shaad Aarfi

dekh kar shaair ne us ko nukta-e-hikmat kahaa
aur be-soche zamaane ne use ''aurat'' kahaa

— Shaad Aarfi

rang laaegi hamaari tang-dasti ek din
misl-e-ghaalib 'shaad' gar sab kuchh udhaar aataa gayaa

— Shaad Aarfi