ab unhein tashrif laanaa chaahiye — Shaad Aarfi

jab chali apnon ki gardan par chali
chuum luun munh aap ki talvaar kaa

nahin hai insaaniyat ke baare mein aaj bhi zehn saaf jin kaa
vo kah rahe hain ki jis se neki karoge us se badi milegi

rafta rafta meri al-gharzi asar karti rahi
meri be-parvaaiyon par us ko pyaar aataa gayaa

jahaan-e-dard mein insaaniyat ke naate se
koi bayaan kare meri daastaan hogi

shaikh par haath uThaane ke nahin ham qaael
haath uThaane ki jo Thaani hai to baatil se uThaa

'shaad' ghair-mumkin hai shikva-e-butaan mujh se
main ne jis se ulfat ki us ko baa-vafaa paayaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

tilaai rang jaanaan kaa agar mazmun likhun khat mein
to haala gird harfon ke bane sone ke paani kaa

ye maanaa vo shajar sukhaa bahut hai
magar us mein abhi saayaa bahut hai

khuub gahri jo lagi choT to ham ne jaanaa
vaqt lagtaa hai kisi dard ko jaate jaate

chup chup makaan raaste gum-sum niDhaal vaqt
is shahr ke liye koi divaanaa chaahiye