kisi ne dekh liyaa thaa jo saath chalte hue — Shahbaz Khwaja

yuun to mumkin nahin dushman mire sar par pahunche
pahre-daaron mein koi aankh jhapak jaataa hai

— Shahbaz Khwaja

mataa-e-jaan hain miri umr bhar kaa haasil hain
vo chand lamhe tire qurb mein guzaare hue

— Shahbaz Khwaja

safar kaa ek nayaa silsila banaanaa hai
ab aasmaan talak raasta banaanaa hai

— Shahbaz Khwaja

mujhe ye zid hai kabhi chaand ko asiir karun
so ab ke jhiil mein ik daaera banaanaa hai

— Shahbaz Khwaja

vo ek tu ki tire gham mein ik jahaan roe
vo ek main ki miraa koi rone vaalaa nahin

— Shahbaz Khwaja

ik aisaa vaqt bhi sahraa mein aane vaalaa hai
ki raasta yahaan dariyaa banaane vaalaa hai

— Shahbaz Khwaja

kyon tasavvur mein ji rahaa huun main
jab haqiqat mein mar hi jaanaa hai

— Divyansh Rawat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

— Fani Badayuni

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

— Wali Aasi

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

— Arshad Jamal Sarim