ye kis azaab mein chhoDaa hai tu ne is dil ko — Shohrat Bukhari

haan ai gham-e-ishq mujh ko pahchaan
dil ban ke dhaDak rahaa huun kab se

— Shohrat Bukhari

kuchh aisaa dhuaan hai ki ghuTTi jaati hain saansein
is raat ke baa'd aaoge shaayad na kabhi yaad

— Shohrat Bukhari

ham-safar ho to koi apnaa-saa
chaand ke saath chaloge kab tak

— Shohrat Bukhari

har samt falak-bos pahaaDon ki qataarein
'khusrav' hai na 'shirin' hai na tesha hai na farhaad

— Shohrat Bukhari

jab tujhe bhulnaa chaahaa dil ne
ik nae gham ki sazaa di ham ne

— Shohrat Bukhari

parde mein khamoshi ke burqe mein udaasi ke
shaayad koi aa jaae darvaaza khulaa rakhnaa

— Shohrat Bukhari

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

un ki yaad mein bahte aansu khushk agar ho jaaeinge
saat samundar apni khaali aaankhon mein bhar laaungaa

— Sadiq

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

— Zafar Iqbal