hai taa-hadd-e-imkaan koi basti na bayaabaan — Syed Amin Ashraf

is tarah chashm-e-nim-vaa ghaafil bhi thi bedaar bhi
jaise nasha ho raat kaa yaa subh kaa taDkaa huaa

— Syed Amin Ashraf

main par-shikasta na thaa baadalon ke biich magar
miri uDaan kaa zanjir se lipaT jaanaa

— Syed Amin Ashraf

ik chaand hai aavaara-o-betaab o falak-taab
ik chaand hai aasudgi-e-hijr kaa maaraa

— Syed Amin Ashraf

lazzat-e-did khudaa jaane kahaan le jaae
aankh hoti hai to hotaa nahin qaabu dil par

— Syed Amin Ashraf

kisi se ishq ho jaane ko afsaana nahin kahte
ki afsaane mata-e-kucha-o-baazaar hote hain

— Syed Amin Ashraf

kahin bhi taair-e-aavaara ho magar tai hai
jidhar kamaan hai udhar jaaegaa kabhi na kabhi

— Syed Amin Ashraf

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta

ik yaqin-parvar gumaan aur ik hayaat-aamez khvaab
jaise koi aaegaa aur uljhanein le jaaegaa

— Asim Nadeem Asi

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar