phir jo karne lagaa hai tu vaada — Taimur Hasan

miri tavajjoh faqat mire kaam par rahegi
main khud ko saabit karungaa daavaa nahin karungaa

— Taimur Hasan

ham duniyaa se jab tang aayaa karte hain
apne saath ik shaam manaayaa karte hain

— Taimur Hasan

safar mein hoti hai pahchaan kaun kaisaa hai
ye aarzu thi mire saath tu safar kartaa

— Taimur Hasan

zindagi jang hai aasaab ki aur ye bhi suno
ishq aasaab ko mazbut banaa detaa hai

— Taimur Hasan

main ne bakhsh di tiri kyuun khataa tujhe ilm hai
tujhe di hai kitni kaDi sazaa tujhe ilm hai

— Taimur Hasan

zindagi bhar ki riyaazat miri be-kaar gai
ik khayaal aayaa thaa badle mein vo kyaa detaa hai

— Taimur Hasan

dil mein na ho jurat to mohabbat nahin milti
khairaat mein itni baDi daulat nahin milti

— Nida Fazli

zindagi phaili hui thi shaam-e-hijraan ki tarah
kis ko itnaa hausla thaa kaun ji kar dekhtaa

— Ahmad Faraz

tum abhi tark-e-rifaaqat kaa iraada na karo
is ke aage bhi to mumkin hai khabar koi ho

— Ahmad Mahfuz

jamhuriyat ki laash pe taaqat hai khanda-zan
is barahna nizaam mein har aadmi ki khair

— Ajay Sahaab

uTho 'azm' is aatish-e-shauq ko sard hone se roko
agar ruk na paae to koshish ye karnaa dhuaan kho na jaae

— Azm Bahzad

ye soch kar tiri mahfil se ham chale aae
ki ek baar to baDh jaae hausla dil kaa

— Baqar Mehdi