hai tamaashe kaa ikhtitaam yahi — Tasneem Abidi

sab chale jaaeinge ik be-naam manzil ki taraf
ghar ki takhti ki jagah katbe lage rah jaaeinge

— Tasneem Abidi

is baar huaa kun kaa asar aur tarah kaa
is baar hai imkaan-e-bashar aur tarah kaa

— Tasneem Abidi

ik azaan aur namaaz kaa vaqfa
zindagi kitni mukhtasar paai

— Tasneem Abidi

jhiil mein bas ek kankar pheink kar
daaere ki guunj main sunti rahi

— Tasneem Abidi

jangon mein thi main maal-e-ghanimat ke taur pe
mere liye kabhi mujhe baanTaa nahin gayaa

— Tasneem Abidi

hamaare she'r naghme aur sajde
adaa jo ho na paae kyaa hue vo

— Tasneem Abidi

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid