ab ku-e-sanam chaar qadam hi kaa safar hai — Umar Farooq

uTThe jo tere dar se to duniyaa simaT gai
baiThe the tere dar pe zamaana liye hue

— Umar Farooq

mujhe kharid rahe hain mire sabhi apne
main bik to jaaun magar saamne to aae koi

— Umar Farooq

badan kaa bojh uThaanaa bhi ab muhaal huaa
jo khud se haar ke baiThe to phir ye haal huaa

— Umar Farooq

mire maalik mujhe is khaak se be-ghar na karnaa
mohabbat ke safar mein chalte chalte thak gayaa huun main

— Umar Farooq

hamein to TuuTi hui kashtiyaan nahin dikhtin
hamaare ghar se hi dariyaa dikhaai detaa hai

— Umar Farooq

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb

yuun to maujud apne ghar mein hai
aadmi mustaqil safar mein hai

— Saleem Amrohvi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

dimaagh un ke tajassus mein jism ghar mein rahaa
main apne ghar hi mein rahte hue safar mein rahaa

— Anjum Siddiqui