mire dil ki tajalli kyon rahe poshida majlis mein — Wali Dakni

tujh lab ki sifat laal-e-badakhshaan suun kahungaa
jaadu hain tire nain ghazaalaan suun kahungaa

— Wali Dakni

raah-e-mazmun-e-taaza band nahin
taa qayaamat khulaa hai baab-e-sukhan

— Wali Dakni

har zarra us ki chashm mein labrez-e-nur hai
dekhaa hai jis ne husn-e-tajalli bahaar kaa

— Wali Dakni

chaahtaa hai is jahaan mein gar bahisht
jaa tamaashaa dekh us rukhsaar kaa

— Wali Dakni

rashk suun tujh labaan ki surkhi par
jigar-e-laala daagh daagh huaa

— Wali Dakni

jise ishq kaa tiir kaari lage
use zindagi kyuun na bhaari lage

— Wali Dakni

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli