zaahidaa tu sohbat-e-rindaan mein aayaa hai to sun — Waliullah Muhib

in do ke sivaa koi falak se na huaa paar
yaa tiir miri aah kaa yaa us ki nazar kaa

— Waliullah Muhib

tum gaao apne raag ko us paas vaaizo
mushtaaq jo gadhaa ho tumhaare alaap kaa

— Waliullah Muhib

kaabe mein vahi khud hai vahi dair mein hai aap
hindu kaho yaa us ko musalmaan vahi hai

— Waliullah Muhib

khat kaa ye javaab aayaa ki qaasid gayaa ji se
sar ek taraf loTe hai aur ek taraf dhaD

— Waliullah Muhib

barahman dair ko raahi huaa aur shaikh kaabe ko
nikal kar us doraahe se main ku-e-yaar mein aayaa

— Waliullah Muhib

jab nashe mein ham ne kuchh miThe ki khvaahish us se ki
tursh ho bolaa ki kyuun be tu bhi is laaeq huaa

— Waliullah Muhib

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

— Akbar Allahabadi

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

— Mohammad Alvi

main teri jumbish-e-mizhgaan se kaanp jaataa hon
agarche dil ko gham-e-do-jahaan se Dar bhi nahin

— Hanif Fauq

zindagi biit gai ginte hue taarikhein
khaa gai vaqt ki divaar calendar kitne

— Shahid Ahsan Moradabadi

gale lagaa ke mujhe puchh masala kyaa hai
main Dar rahaa huun tujhe haal-e-dil sunaane se

— Rana Amir Liyaqat

ushshaaq ke aage na laDaa ghairon se aankhein
Dar hai ki na ho jaae laDaai tire dar par

— Sharaf Mujaddidi