qaid kartaa huun hasratein dil mein — Waseem Haidar

tujh ko ho mere lams ki khvaahish shadid-tar
tujh se tamaam 'umr miraa saamnaa na ho

— Waseem Haidar

suntaa rahtaa huun to vo kuchh bhi kahe jaataa hai
us ko lagtaa hai ki me'yaar yahi hai apnaa

— Waseem Haidar

havas na puuri hui jab kahin to 'ilm huaa
tire badan kaa rahaa mujh ko aasraa baDi der

— Waseem Haidar

ab vo achchhaa mujhe pasand nahin
jo buraa bhi qubul hotaa thaa

— Waseem Haidar

mire khamir pe saari hi sarf ho gai thi
phir us ke baa'd udaasi nai banaai gai

— Waseem Haidar

khushbuon kaa nuzul hotaa thaa
pahle pattaa bhi phuul hotaa thaa

— Waseem Haidar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

us ke munh pe mukar gayaa thaa dil
aaj had se guzar gayaa thaa dil

— Divyansh Rawat

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri