tujh ko ho mere lams ki khvaahish shadid-tar — Waseem Haidar

qaid kartaa huun hasratein dil mein
phir inhein khud-kushi sikhaataa huun

— Waseem Haidar

suntaa rahtaa huun to vo kuchh bhi kahe jaataa hai
us ko lagtaa hai ki me'yaar yahi hai apnaa

— Waseem Haidar

havas na puuri hui jab kahin to 'ilm huaa
tire badan kaa rahaa mujh ko aasraa baDi der

— Waseem Haidar

ab vo achchhaa mujhe pasand nahin
jo buraa bhi qubul hotaa thaa

— Waseem Haidar

mire khamir pe saari hi sarf ho gai thi
phir us ke baa'd udaasi nai banaai gai

— Waseem Haidar

khushbuon kaa nuzul hotaa thaa
pahle pattaa bhi phuul hotaa thaa

— Waseem Haidar

kam-umri mein sunet hain
mar jaate hain achchhe log

— Malikzada Javed

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim

zindagi ke bahut qarib na jaa
faasla kuchh to apne dhyaan mein rakh

— Akmal Imaam