dil kaa kamra raushni se bhar gayaa — Yashvardhan Mishra

dekh saktaa huun binaa chashme ke main
dost teri bevafaai saaf saaf

— Yashvardhan Mishra

chaahiye thi aap ki tasvir so
khinch li tasvir main ne chaand ki

— Yashvardhan Mishra

raushni bhi tirgi bhi saath hai yaa yuun kahein
zindagi khush hai magar khush bhi tavaaif ki tarah

— Yashvardhan Mishra

daf'atan main Thiik ho saktaa huun chaaraagar mire
tu mujhe pahnaa de us ke naam kaa taa'viz gar

— Yashvardhan Mishra

rakh liyaa thaa main ne roza jaan tumhaare naam kaa
tum ko dekhaa khvaab mein aur meri sehri ho gai

— Yashvardhan Mishra

rang saare aa gae 'aariz pe mere
jab kahaa us ne mujhe holi mubaarak

— Yashvardhan Mishra

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

koi viraani si viraani hai
dasht ko dekh ke ghar yaad aayaa

— Mirza Ghalib

tum se chhuT kar bhi tumhein bhulnaa aasaan na thaa
tum ko hi yaad kiyaa tum ko bhulaane ke liye

— Nida Fazli

phir mujhe dida-e-tar yaad aayaa
dil jigar tishna-e-fariyaad aayaa

— Mirza Ghalib