ijz ke saath chale aae hain ham 'yazdaani' — Yazdani Jalandhari

bazm-e-vafaa saji to ajab silsile hue
shikve hue na un se na ham se gile hue

— Yazdani Jalandhari

shama hogi subh tak baaqi na parvaane ki khaak
ahl-e-mahfil ki zabaan par daastaan rah jaaegi

— Yazdani Jalandhari

milaa hai taptaa sahraa dekhne ko
chale the ghar se dariyaa dekhne ko

— Yazdani Jalandhari

zindagi koh-e-be-sutun goyaa
har nafas ek taisha-e-farhaad

— Yazdani Jalandhari

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

koi viraani si viraani hai
dasht ko dekh ke ghar yaad aayaa

— Mirza Ghalib

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

is zindagi mein itni faraaghat kise nasib
itnaa na yaad aa ki tujhe bhuul jaaein ham

— Ahmad Faraz

vo jo ham mein tum mein qaraar thaa tumhein yaad ho ki na yaad ho
vahi yaani vaada nibaah kaa tumhein yaad ho ki na yaad ho

— Momin Khan Momin