sab baDe zoam se aae the nae surat-gar — Zafar Ajmi

kaasa-e-dard liye kab se khaDe sochte hain
dast-e-imkaan se kyaa chiiz na jaane nikle

— Zafar Ajmi

ye alag baat ki vo dil se kisi aur kaa thaa
baat to us ne hamaari bhi ba-zaahir rakkhi

— Zafar Ajmi

bajaa hai zindagi se ham bahut rahe naaraaz
magar bataao khafaa tum se bhi kabhu hue hain

— Zafar Ajmi

kisi ke raaste ki khaak mein paDe hain 'zafar'
mataa-e-umr yahi aajizi nikalti hai

— Zafar Ajmi

naa-khudaa chhoD gae biich bhanvar mein to 'zafar'
ek tinke ke sahaare ne kahaa bismillaah

— Zafar Ajmi

ye ahd kyaa hai ki sab par giraan guzartaa hai
ye kyaa tilism hai kyaa imtihaan guzartaa hai

— Zafar Ajmi

mere khvaabon ke jharokon ko sajaate rahiye
na sahi vasl magar yaad to aate rahiye

— Jatinder Vir Yakhmi Jayaveer

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

— Zafar Iqbal

main ne dekhaa hai bahaaron mein chaman ko jalte
hai koi khvaab ki taabir bataane vaalaa

— Ahmad Faraz

khvaab Thahre the to aankhein bhigne se bach gaiin
varna chehre par to gham ki baarishon kaa aks hai

— Malika Naseem

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

— Abu Mohammad Sahar

par katar paai jab na khvaabon ke
band hi kar diin khiDkiyaan main ne

— Ameeta Parsuram Meeta