ishq kar ke bhi khul nahin paaya — Abbas Tabish

agar yunhi mujhe rakkha gaya akele men
baramad aur koi is makan se hoga

— Abbas Tabish

ik mohabbat hi pe mauquf nahin hai 'tabish'
kuchh baDe faisle ho jaate hain nadani men

— Abbas Tabish

tiri mohabbat men gumrahi ka ajab nasha tha
ki tujh tak aate hue khuda tak pahunch ga.e hain

— Abbas Tabish

kyuun na ai shakhs tujhe haath laga kar dekhun
tu mire vahm se baDh kar bhi to ho sakta hai

— Abbas Tabish

pas-e-ghubar bhi uDta ghubar apna tha
tire bahane hamen intizar apna tha

— Abbas Tabish

ek mohabbat aur vo bhi nakam mohabbat
lekin is se kaam chalaya ja sakta hai

— Abbas Tabish