ulaT kar jab bhi dekhi hai kitab-e-zindagi ham ne — Abdul Mannan Samadi

"badan par is-qadar barish mire hoti hai boson ki ki jab banhen tiri mujh par khuli hon Daliyan ban kar"

"vahi rusva.i ka meri sabab akhir bane maula vahi jo log kal shamen suhani karne vaale the"

"tasavvur ki hadon se duur ja kar kaise dekhenge agar tum se ta'alluq gha.ebana bhi nahin hoga"

"kuchh badan ke the taqaze kuchh shararat dil ki thi aaj lekin ishq apna javedan hone ko tha"

"parinde sab nahin zindan men maare ga.e hain qafas men kuchh to kuchh naql-e-makani men mare hain"

"vahi ik qissa ab tak dhyan men raushan nahin hota tasalsul jis se vabasta hai pichhli dastanon ka"