filfil-e-khal-e-malahat ke tasavvur men tire — Abdul Rahman Ehsan Dehlvi

ulfat men tera rona 'ehsan' bahut baja hai
har vaqt menh ka hona ye rahmat-e-khuda hai

— Abdul Rahman Ehsan Dehlvi

us lab-e-bam se ai sarsar-e-furqat tu bata
misl tinke ke mira ye tan-e-laghar phenka

— Abdul Rahman Ehsan Dehlvi

vo aag lagi paan chaba.e se kasu ki
ab tak nahin bujhti hai bujha.e se kasu ki

— Abdul Rahman Ehsan Dehlvi

to bhi us tak hai rasa.i mujhe ehsan dushvar
daam luun gar par-e-jibril bara-e-parvaz

— Abdul Rahman Ehsan Dehlvi

namaz apni agarche kabhi qaza na hui
ada kisi ki jo dekhi to phir ada na hui

— Abdul Rahman Ehsan Dehlvi

agar baiTha hi naseh munh ko si baiTh
vagarna yaan se uTh ai be-haya ja

— Abdul Rahman Ehsan Dehlvi