har musafir tire kuche ko chala — Afzal Parvez

"apna ghar shahr-e-khamoshan sa hai kaun aa.ega yahan shaam Dhale"

"husn ki daulat us ki hai aur vasl ki ishrat bhi us ki jis ne pal pal hijr men kaaTa jaur sahe dukh jhele hain"

"dar-o-divar bhi hote hain jasus koi sunta na ho ahista bolo"

"bazi-gah-e-dar-o-rasan men mai-kada-e-fikr-o-fan men ham rindon se raunaq hai ham durveshon se mele hain"

"alakh jama.e dhuni rama.e dhyan laga.e rahte hain pyaar hamara maslak hai ham prem-guru ke chele hain"

"main to apni jaan pe khel ke pyaar ki baazi jiit gaya qatil haar ga.e jo ab tak khuun ke chhinTe dhote hain"