band-e-qaba men bandh liya le ke dil mira — Ahmad Husain Mail

"kuchh na puchho zahidon ke batin o zahir ka haal hai andhera ghar men aur bahar dhuan batti charagh"

"khol kar zulf-e-musalsal ko paDhi us ne namaz ghar men allah ke bhi jaal bichha kar aaya"

"main hi momin main hi kafir main hi ka.aba main hi dair khud ko main sajde karunga dil men tum ho dil men tum"

"saari khilqat raah men hai aur ho manzil men tum donon aalam dil se bahar hain faqat ho dil men tum"

"kya aa.i thiin huren tire ghar raat ko mehman kal khvab men ujDa hua firdaus-e-barin tha"

"musalman kafiron men huun musalmanon men kafir huun ki qur.an sar pe but ankhon men hai zunnar pahlu men"