nagar nagar men na.i bastiyan basa.i ga.iin — Ahmad Ziya

basti basti parbat parbat vahshat ki hai dhuup 'ziya'
charon janib virani hai dil ka ik virana kya

— Ahmad Ziya

mujh ko mire vajud se koi nikal de
tang aa chuka huun roz ke in hadson se main

— Ahmad Ziya

is qadar pur-khulus lahja hai
us se milna hai umr bhar jaise

— Ahmad Ziya

ik main huun ki lahron ki tarah chain nahin hai
ik vo hai ki khamosh samundar ki tarah hai

— Ahmad Ziya

andhiyon ki zad men hai mera vajud
aur main divar ki tasvir huun

— Ahmad Ziya

na jaane kitne marahil ke baa'd paaya tha
vo ek lamha jo tu ne guzarne na diya

— Ahmad Ziya