dard baDh kar dava na ho jaa.e — Aleem Akhtar Muzaffarnagri

"ye aur baat ki iqrar kar saken na kabhi miri vafa ka magar un ko e'tibar to hai"

"mujhe ankhen dikha.egi bhala kya gardish-e-dauran miri nazron ne dekha hai tira na-mehrban hona"

"hamen duniya men apne gham se matlab zamane ki khushi se vasta kya"

"vo ta'alluq hai tire gham se ki allah allah ham ko hasil ho khushi bhi to gavara na karen"

"mujhe to kal bhi na tha un par ikhtiyar koi aur un ko mujh pe vahi ikhtiyar aaj bhi hai"

"mere sukun-e-qalb ko le kar chale ga.e aur iztirab-e-dard-e-jigar de ga.e mujhe"