ai asman harf ko phir e.atibar de — Anjum Barabankvi

jis baat ka matlab khushbu hai har gaanv ke kachche raste par
us baat ka matlab badlega jab pakki saDak aa ja.egi

— Anjum Barabankvi

mash.hur bhi hain badnam bhi hain khushiyon ke na.e paigham bhi hain
kuchh gham ke baDe in.aam bhi hain paDhiye to kahani kaam ki hai

— Anjum Barabankvi

jo saare din ki thakan oDh kar main sota huun
to saari raat mira ghar safar men rahta hai

— Anjum Barabankvi

main ne suraj ki tarah khud ko banaya jis din
dekhne a.enge ye maghrib-o-mashriq mujh ko

— Anjum Barabankvi

kitab-e-ishq ke jo mo'atabar risale hain
unhin men husn ke kuchh mustanad havale hain

— Anjum Barabankvi

me.araj-e-aqidat hai ki ta.aviz ki surat
baazu pe koi khak-e-vatan bandhe hue hai

— Anjum Barabankvi