mujhe kuchh der rukna chahiye tha — Anjum Khayali

"kuchh tasavir bol paDti hain sab ki sab be-zaban nahin hotin"

"azaan pe qaid nahin bandish-e-namaz nahin hamare paas to hijrat ka bhi javaz nahin"

"shab ko ik baar khul ke rota huun phir baDe sukh ki niind sota huun"

"is naam ka koi bhi nahin hai jis naam se ham pukarte hain"

"jaan qarz hai so utarte hain ham umr kahan guzarte hain"

"mire mazar pe aa kar diye jala.ega vo mere baa'd miri zindagi men aa.ega"