mumkin hai yahi dil ke milane ka sabab ho — Arshad Jamal Sarim

"kis ki tanvir se jal uTThe basirat ke charagh kis ki tasvir ye ankhon se laga.i ga.i hai"

"bas itna rabt kaafi hai mujhe ai bhulne vaale tiri soi hui ankhon men akasr jagta huun main"

"dekh ai meri zabun-hali pe hansne vaale vaqt ki dhuup ne kis darja nikhara mujh ko"

"jaane kis rut men khilenge yahan ta.abir ke phuul sochta rahta huun ab khvab ugata hua main"

"vo ik lamha saza kaaTi ga.i thi jis ki khatir vo lamha to abhi ham ne guzara hi nahin tha"

"zindagi tu bhi hamen vaise hi ik roz guzar jis tarah ham tujhe barson se guzare hue hain"