zindagi ki haqiqat ajab ho ga.i — Ashhad Bilal Ibn

aaj bhi naqsh hain dil par tiri aahaT ke nishan
ham ne us raah se auron ko guzarne na diya

— Ashhad Bilal Ibn

hosh-o-havas khone laga huun firaq men
tanha.iyon ne aisa muqaffal kiya mujhe

— Ashhad Bilal Ibn

yaad rakhna bhi ik ibadat hai
kyuun na ham un ka hafiza ho jaa.en

— Ashhad Bilal Ibn

savera le ke aata hai mire khvabon ki ta.abiren
magar jab shaam hoti hai to un ki yaad aati hai

— Ashhad Bilal Ibn

har shakhs mo'tarif ki muhibb-e-vatan huun main
phir adliya ne kyuun sar-e-maqtal kiya mujhe

— Ashhad Bilal Ibn

ik lafz yaad tha mujhe tark-e-vafa magar
bhula hua huun Thokaren khane ke baa'd bhi

— Ashhad Bilal Ibn