ek muddat se hain safar men ham — Azhar Iqbal

niind aa.egi bhala kaise use shaam ke ba.ad
roTiyan bhi na mayassar hon jise kaam ke ba.ad

— Azhar Iqbal

ye kaifiyat hai meri jaan ab tujhe kho kar
ki ham ne khud ko bhi paaya nahin bahut din se

— Azhar Iqbal

hai ab bhi bistar-e-jan par tire badan ki shikan
main khud hi miTne laga huun use miTate hue

— Azhar Iqbal

ye pahla ishq hai tumhara soch lo
mire liye ye rasta naya nahin

— Azhar Iqbal

har ek samt yahan vahshaton ka maskan hai
junun ke vaste sahra o ashiyana kya

— Azhar Iqbal

har ek shakhs yahan mahv-e-khvab lagta hai
kisi ne ham ko jagaya nahin bahut din se

— Azhar Iqbal