jab tak kisi ka naqsh-e-kaf-e-pa hamen mila — Azizunnisa Naz

kitne lage hain zakhm jigar par kise khabar
Dhaa.i hai kis ne kitni qayamat na puchhiye

— Azizunnisa Naz

ranj-o-alam ki koi haqiqat na puchhiye
kitni hai mere dard ki azmat na puchhiye

— Azizunnisa Naz

ashkon ne raaz dil ka kiya jab kabhi ayaan
kitni hui hai mujh ko nadamat na puchhiye

— Azizunnisa Naz

jab dil ka dard manzil-e-shab se nikal gaya
mahsus ye hua koi tufan Tal gaya

— Azizunnisa Naz

ab to hai sirf amad-e-fasl-e-bahar yaad
dil ek phuul tha jo sar-e-shakh jal gaya

— Azizunnisa Naz