koi asan rifaqat nahin likkhi main ne — Azm Bahzad

"ajab mahfil hai sab ik dusre par hans rahe hain ajab tanha.i hai khalvat ki khalvat ro rahi hai"

"dariya paar utarne vaale ye bhi jaan nahin paa.e kise kinare par le Duuba paar utar jaane ka gham"

"saval karne ke hausle se javab dene ke faisle tak jo vaqfa-e-sabr aa gaya tha usi ki lazzat men aa basa huun"

"kisi sitare se kya shikayat ki raat sab kuchh bujha hua tha fasurdagi likh rahi thi dil par shikastagi ki na.i kahani"

"ai khvab-e-pazira.i tu kyuun miri ankhon men andesha-e-duniya ki ta.abir uTha laaya"

"raushni DhunD ke laana koi mushkil to na tha lekin is dauD men har shakhs ko jalte dekha"