rahega kis ka hissa beshtar mere miTane men — Barq Dehlvi

din-rat paDa rahta huun darvaze pe apne
is gham men ki koi kabhi aata tha idhar se

— Barq Dehlvi

shab-e-furqat nazar aate nahin asar-e-sahar
itni zulmat hai rukh-e-sham.a pe bhi nuur nahin

— Barq Dehlvi

sar-ba-kaf hind ke jan-baz-e-vatan laDte hain
tegh-e-nau le saf-e-dushman men ghuse paDte hain

— Barq Dehlvi

tere didar se main aankh uTha.un kyunkar
zulf se pa-e-nazar halqa-e-zanjir men hai

— Barq Dehlvi