'bahzad' saaf saaf main kahta huun hal-e-dil — Behzad Lakhnavi

ai dil ki khalish chal yunhi sahi chalta to huun un ki mahfil men
us vaqt mujhe chaunka dena jab rang pe mahfil aa jaa.e

— Behzad Lakhnavi

vafaon ke badle jafa kar rahe hain
main kya kar raha huun vo kya kar rahe hain

— Behzad Lakhnavi

zinda huun is tarah ki gham-e-zindagi nahin
jalta hua diya huun magar raushni nahin

— Behzad Lakhnavi

mujhe to hosh na tha un ki bazm men lekin
khamoshiyon ne meri un se kuchh kalam kiya

— Behzad Lakhnavi

ishq ka ejaaz sajdon men nihan rakhta huun main
naqsh-e-pa hoti hai peshani jahan rakhta huun main

— Behzad Lakhnavi

go muddaten hui hain kisi se juda hue
lekin ye dil ki aag abhi tak bujhi nahin

— Behzad Lakhnavi