dar badar ki khaak thi taqdir men — Bilqis Zafirul Hasan

anhoni kuchh zarur hui dil ke saath aaj
nadan tha magar ye divana kabhi na tha

— Bilqis Zafirul Hasan

har-dil-aziz vo bhi hai ham bhi hain khush-mizaj
ab kya bata.en kaise hamari nahin bani

— Bilqis Zafirul Hasan

khud pe ye zulm gavara nahin hoga ham se
ham to sho.alon se na guzrenge na siita samjhen

— Bilqis Zafirul Hasan

apni to koi baat bana.e nahin bani
kuchh ham na kah sake to kuchh us ne nahin suni

— Bilqis Zafirul Hasan

dahshat-zada zamin par vahshat bhare makan ye
is shahr-e-be-aman ka akhir koi khuda hai

— Bilqis Zafirul Hasan

kitne saada hain ham ki baiThe hain
dagh-e-dil ansuon se dhone ko

— Bilqis Zafirul Hasan