zindagi kaT ga.i manate hue — Farhat Shahzad

ham se tanha.i ke maare nahin dekhe jaate
bin tire chand sitare nahin dekhe jaate

— Farhat Shahzad

aziiz mujh ko hain tufan sahilon se siva
isi liye hai khafa mera nakhuda mujh se

— Farhat Shahzad

tira vajud gavahi hai mere hone ki
main apni zaat se inkar kis tarah karta

— Farhat Shahzad

ye zamin khvab hai asman khvab hai
ik makan hi nahin la-makan khvab hai

— Farhat Shahzad

baat apni ana ki hai varna
yuun to do haath par kinara hai

— Farhat Shahzad

itni pi jaa.e ki miT jaa.e main aur tu ki tamiz
yaani ye hosh ki divar gira di jaa.e

— Farhat Shahzad