har ek lafz men poshida ik alaao na rakh — Farooq Shamim

dhuup chhuti hai badan ko jab 'shamim'
barf ke suraj pighal jaate hain kyuun

— Farooq Shamim

hain raakh raakh magar aaj tak nahin bikhre
kaho hava se hamari misal le aa.e

— Farooq Shamim

vaqt ik mauj hai aata hai guzar jaata hai
Duub jaate hain jo lamhat ubharte kab hain

— Farooq Shamim

jhuuT sach men koi pahchan kare bhi kaise
jo haqiqat ka hi meyar fasana Thahra

— Farooq Shamim

apne hi fan ki aag men jalte rahe 'shamim'
honTon pe sab ke hausla-afza.i rah ga.i

— Farooq Shamim

hisar-e-zat se kaT kar to ji nahin sakte
bhanvar ki zad se yuun mahfuz apni naav na rakh

— Farooq Shamim