ishq men khvab ka khayal kise — Hasrat Azimabadi

zahida kis husn-e-gandum-e-gun pe hai teri nigah
aaj tu meri nazar men guna-e-adam laga

— Hasrat Azimabadi

zulf-e-kalmunhi ko pyare itna bhi sar mat chaDha
be-mahaba munh pe tere paanv karti hai daraz

— Hasrat Azimabadi

khelen aapas men pari-chehra jahan zulfen khol
kaun puchhe hai vahan hal-e-pareshan mera

— Hasrat Azimabadi

makhuz hoge shaikh-e-riya-kar roz-e-hashr
paDhte ho tum azaab ki ayat be-tarah

— Hasrat Azimabadi

mohabbat ek tarah ki niri samajat hai
main chhoDun huun tiri ab justuju hua so hua

— Hasrat Azimabadi

rahe hai naqsh mere chashm-o-dil par yuun tiri surat
musavvir ki nazar men jis tarah tasvir phirti hai

— Hasrat Azimabadi