logo! ham pardesi ho kar jaane kya kya kho baiThe — Humaira Rahman

ajab mazaq us ka tha ki sar se paanv tak mujhe
vafaon se bhigo diya nadamaton ki soch men

— Humaira Rahman

ham aur tum jo badal ga.e to itni hairat kya
aks badalte rahte hain a.inon ki khatir

— Humaira Rahman

raushan-dan se dhuup ka TukDa aa kar mere paas gira
aur phir suraj ne koshish ki mujh se aankh milane ki

— Humaira Rahman

miri almariyon men qimti saman kaafi tha
magar achchha laga us se ka.i farma.ishen karna

— Humaira Rahman

kankar phenk rahe hain ye andaza karne ko
Thahra paani kitni 'humaira' halchal rakhta hai

— Humaira Rahman

hava ki tez-gamiyon ka inkishaf kya karen
jo dosh par liye ho us ke bar-khilaf kya karen

— Humaira Rahman