aag paani se bhaap uThti rahi — Ijtiba Rizvi

tajalli be-naqab aur kor ankhen kya qayamat hai
ki suraj samne hai aur siyah-bakhti nahin jaati

— Ijtiba Rizvi

afsurdagi bhi husn hai tabindagi bhi husn
ham ko khizan ne tum ko sanvara bahar ne

— Ijtiba Rizvi

hazar aarzu ho tum yaqin ho tum guman ho tum
qafas-nasib ruuh ki umid-e-ashiyan ho tum

— Ijtiba Rizvi

mire saz-e-nafas ki khamushi par ruuh kahti hai
na aa.i mujh ko niind aur so gaya afsana-khvan mera

— Ijtiba Rizvi

dil ki dhaDkan jo hai madar-e-hayat
ik zara tez ho to aafat hai

— Ijtiba Rizvi

khirad ko khana-e-dil ka nigah-ban kar diya ham ne
ye ghar abad hota is ko viran kar diya ham ne

— Ijtiba Rizvi