aapas ki guftugu men bhi kaTne lagi zaban — Jafar Tahir

ai vatan jab bhi sar-e-dasht koi phuul khila
dekh kar tere shahidon ki nishani roya

— Jafar Tahir

'tahir' khuda ki raah men dushvariyan sahi
ishq-e-butan men kaun si asaniyan rahin

— Jafar Tahir

uTThi thi pahli baar jidhar chashm-e-arzu
vo log phir mile na vo basti nazar paDi

— Jafar Tahir

tujhe bhi dekh liya ham ne o khuda-e-ajal
ki tera zor chala bhi to ahl-e-gham pe chala

— Jafar Tahir

jab bhi dekhi hai kisi chehre pe ik taaza bahar
dekh kar main tiri tasvir purani roya

— Jafar Tahir

ik umr bhaTakte hue guzri hai junun men
ab kaun fareb-e-nigah-e-yar men aa.e

— Jafar Tahir