ik umr bhaTakte hue guzri hai junun men — Jafar Tahir

"ai vatan jab bhi sar-e-dasht koi phuul khila dekh kar tere shahidon ki nishani roya"

"aapas ki guftugu men bhi kaTne lagi zaban ab doston se tark-e-mulaqat chahiye"

"'tahir' khuda ki raah men dushvariyan sahi ishq-e-butan men kaun si asaniyan rahin"

"uTThi thi pahli baar jidhar chashm-e-arzu vo log phir mile na vo basti nazar paDi"

"tujhe bhi dekh liya ham ne o khuda-e-ajal ki tera zor chala bhi to ahl-e-gham pe chala"

"jab bhi dekhi hai kisi chehre pe ik taaza bahar dekh kar main tiri tasvir purani roya"